Durante o curso 2008-2009 tocoume impartir no instituto onde traballo, IES A SANGRIÑA  da Guarda en Pontevedra, a materia de Informática de 4º ESO a un grupo. Quero trasladar aquí aquela experiencia  de traballo con Moodle e ca web 2.0 como exemplo de inmersión nas TIC por parte de todos os que participamos nela.
O curso de Moodle atópase na "Aula aberta" da plataforma Moodle do IES A SANGRIÑA. Son accesibles tódolos contidos do curso a excepción dos traballos realizados polos alumnos dos cales solo se inclúen exemplos sen citar o nome do autor dos mesmos.

INFORMÁTICA 4º ESO.

http://centros.edu.xunta.es/iesasangrina/moodle/course/view.php?id=189

A metodoloxía de traballo para abordar a materia de informática en 4º da ESO pola que se optou trataba de desenvolver a maioría dos contidos por medio da realización de actividades prácticas, fomentando así un aprendizaxe construtivo que tiña na realización e publicación das propias tarefas o seu principal elemento motivador. Para elo usouse a plataforma de xestión de contidos educativos Moodle xunto con aplicacións típicas da web 2.0.

Algúns contidos que aparecen na programación abordáronse dende unha perspectiva teórica. Aquí solo se fai referencia a aqueles contidos tratados a través da realización de prácticas.